Initiert av Statens utdanningskontor

1. Utvikle samarbeid mellom 7.klassane ved dei ulike barneskulane i kommunen for å lette overgangen til ungdomsskulen. Bruke IKT som samarbeidsmedium , der vi startar med e-post og mIRC.

2. Lage ein nettstad for skulen . Målet er å opne skulen endå meir og gje folk innsyn i verksemda ved skulen. Vidare skal arbeidet brukast til å heve kompetansen til kollegiet og elevane på å lage å vedlikehalde heimeside.

3. Vidareutvikle multimediaprogram om Naustdal. Målet er på sikt å bygge opp ein kunnskapsbase om Naustdal. Gjennom arbeidet med dette skal lærarar og elevar lære å bruke og produsere multimediaprodukt.

1. Vi vil at 7.klasseelevane ved dei ulike skulane i kommunen skal samarbeide som felles prosjekt/tema og lage felles produkt, der dei nyttar IKT som samarbeidsmedium. Vi vil starte med e-post og mIRC ,for å utvide etter kvart som kompetansen aukar hos lærarane. (Lære ved å bruke.) Arbeidet vart starta våren 2001.

2. Heimeside: Skulen har i over 10 år hatt ei skuleavis som elevane har laga, fyrst som eige valfag og no som tilvalsfaget norsk fordjuping. I norsk fordjuping har skulen valt å satse på media. På alle tre årsstega arbeider elevane både med film/video og avis. Til ei kvar tid arbeider ei gruppe med skuleavisa. Planen er at skuleavisa skal ha ei nettutgåve som er oppdatert til ei kvar tid og at ein lagar ei trykt utgåve eit par gonger i halvåret med stoff delvis frå nettutgåva og delvis anna stoff. Lærar i norsk fordjuping- avis vil også ha ansvaret for nettstaden/heimesida. Ein ynskjer både å få ut informasjon og få til kommunikasjon (oppretting av diskusjonsfora), spesielt i forhold til foreldre. I fyrste omgang må ein kome fram til utforming og oppbygging av ei heimeside. Ein vil starte enkelt og så utvikle det vidare. Spesielt dei som har norsk fordjuping vil få opplæring i arbeid med heimesider/html.

3. Multimediaprogram: I samband med utdanning innan IKT har to lærarar utvikla strukturen/malen for eit multimediaprogram om Naustdal. Dette programmet skal utviklast vidare til ein omfattande kunnskapsbase om ulike forhold i kommunen, både om natur og kultur, og om kommunal verksemd og næringsliv. I denne basen skal informasjon om Naustdal vere tilgjengeleg både i form av tekst, som lyd, som bilete og som video. Det vil også etterkvart vere tilgjengeleg gjennom heimesida til skulen. Prosjektet krev i fyrste omgang opplæring av fleire lærarar i multimedia (lyd, foto, video) og at desse igjen har ansvaret for opplæring av elevar. I fyrste omgang engasjerer ein ungdomsskulen og kravet dette skuleåret må vere at kvar klasse lagar eitt produkt til basen, og at dette også er i ein engelsk-vesjon. Ein ser føre seg at dei ulike delane kan gå parallelt

-Mal for utforming/oppbygging heimeside klar.

Åsmund Bertelsen

-Heimesida ut på nettet som underside til kommunen sin nettstad

Åsmund Bertelsen

!5-03-01 skal diskusjonsforum vere oppretta

-Nettsamarbeid gjennom kontakt innvolverte partar

- Heimeside vert lagt ut.

- Gjennom heimeside

- Kunnskapsbasen om Naustdal vil vi prøve å legge på nettet.

Ø Samarbeid mellom 7. klassane i Naustdal.

Arbeidet her er komme godt i gang. Alle skulane har oppretta kontakt over nettet. Alle elevane fått opplæring i e-post og mIRC. Alle elevane har møtst, laga blanda grupper, formulert oppgåver. Arbeidet med oppgåvene i gang med e-post og mIRC som arbeidsreiskap.

Ø Nettstad for skulen.

Utlegginga av denne er ein god del forseinka. Malen er klar. Mykje stoff laga. Forsenka med opplæringa av elevane i avisgruppa som skal ha mykje av ansvaret for sida. Ny tid for utlegging på nett 1.3.02

Ø Vidareutvikle multimediaprogram om Naustdal.

Ny moderne versjon for direkte utlegging i html kode er innkjøpt. Gruppe på 7 lærarar driv eigenopplæring. Troduksjon og navigasjonsmal for programmet er laga.To emner er også laga deler av. Vert lagt ut med link til heimesida i april.

Atle Øen

e-post: aoeen@c2i.net

Naustdal barne- og ungdomsskule.

Tema: IKT

Prosjektet var tredelt.

1. Utvikle samarbeid mellom 7.klassane ved dei ulike barneskulane i kommunen for å lette overgangen til ungdomsskulen. Bruke IKT som samarbeidsmedium , der vi startar med e-post og mIRC.

Rapport:

Dette arbeidet er ein del av eit blikjent opplegg som dei ulike 7.klassane i kommunen gjennomfører for å lette overgangen til ungdomsskule. Arbeidet har vore opplagt som ein kombinasjon av fysiske møte mellom elevane og samarbeid over nettet. Dette opplegget har fungert godt, og vi har fått vist korleis ein kan kommunisere og samarbeide gjennom IKT . Vi brukte hotmail i byrjinga for å gje elevane kvar si e-postadresse. Seinare gjekk vi over til skulenett for å bruke skulepost og skulestove. Dette skapte problem for oss, for denne nettstaden var så ustabil at vi hadde stor problem med å sende og få kontakt. Derfor vil vi prøve ut Classfronter neste år. Erfaringane med dette opplegget har vore så positive at vi vil halde fram med det og prøve å utnytte Classfronter til enno tettare samarbeid.

2. Lage ein nettstad for skulen . Målet er å opne skulen endå meir og gje folk innsyn i verksemda ved skulen. Vidare skal arbeidet brukast til å heve kompetansen til kollegiet og elevane på å lage å vedlikehalde heimeside.

3. Vidareutvikle multimediaprogram om Naustdal. Målet er på sikt å bygge opp ein kunnskapsbase om Naustdal. Gjennom arbeidet med dette skal lærarar og elevar lære å bruke og produsere multimediaprodukt.

Rapport del 2 og 3.

Målet var å lage ein eigen nettstad som delvis skulle drivast av elevane. Dette målet har vi ikkje nådd enno, men vi satsar på at vi skal halde fram prosjektet neste skuleår og nå målet innan februar 2003.

Arbeidet med heimeside har starta opp som ein del av arbeidet i tilvalsfaget norsk fordjuping. Elevane i norsk fordjuping har arbeidd med skisser til innhald og utforming av ei heimeside for skulen. Ein har også så vidt starta på å utarbeide innhaldet. Arbeidet med heimeside har gått parallelt med å lage skuleavis. Dei som har norsk fordjuping skal også gjennom ein periode med video. Dette vert totalt sett for mykje og det vil ta lengre tid å få ei heimeside på plass.

Vi må også legge opp til at den ansvarlege læraren får avsett tid til å drive dette arbeidet og har kapasitet til det. Slik har det ikkje vore dette året.

Erfaringa vår er at vi satsa for stort, både på heimeside og multimedia. Vi tok for lite omsyn til kvalifikasjonane som lærarane må ha. For å få det til må det også meir konkret inn som ein del av ei planlagt undervisningsopplegg. Slik vi har lagt det opp har det vorte eit for stort ekstraarbeid som dei som har ansvaret ikkje har hatt kapasitet til å gjennomføre.Med grunnlag i desse erfaringane satsar vi på å halde fram med prosjektet skuleåret 2002-2003 og då lukkast.

Vi hadde som mål å lage fyrste del av ein kunnskapsbase om Naustdal. Under vegs har vi fått erfare at det krevst gode kunnskapar hos lærarane for å kome i gang og at arbeidet må vere ein del av eit planlagt undervisningsopplegg.

Seks lærarar får ulike steg har gjennomgått opplæring i multimediaprogrammet Multimedialab, i videoredigering på eige program, arbeid med lyd og foto. Ein har ikkje kome langt nok i opplæringa til at ein har kunne sette i gang undervisningsopplegg med elevane. Planen er at ein del lærarar skal ta vidareutdanning i multimedia gjennom Norsk Nettskole komande skuleår slik at dei vert i stand til å nytte dette meir i undervisninga.

Vi har heller ikkje greidd å få arbeidet med basen inn i undervisningsopplegg der det høver. Skal vi få lærarar/klasser til å lage og levere stoff til basen må det skje gjennom planlagde undervisningsopplegg som ligg i klassane sine årsplanar. Dette er målet å få til for skuleåret 2002-2003. Vi satsar på å halde fram med arbeidet og få starten lagt ut i februar 2003.

Generell kommentar:

Samarbeidsdelen mellom 7.klassane kan vi sei oss nøgde med og vil utvikle vidare.

Ambisjonane for heimeside og multimediaprogram var for store. Vi hadde ikkje grunnalget i kompetanse eller tid for å lukkast. Med dei erfaringane vi har gjort oss i år, vil vi halde fram arbeidet til neste skuleår. Detter er eit prosjekt som skal vere starten til noko som skal verte ein arbeids og informasjonsreiskap som skal halde fram og dermed ikkje eit avslutta prosjekt til fast tid.

Atle Øen